اسپیشل انڈا ملائی کڑی بنانے کی ترکیب

اسپیشل انڈا ملائی کڑی بہت ہی آسان اور مزےدار کھانوں میں سے ایک ہے اسے آپ ناشتے کے ساتھ ساتھ رات کے کھانے میں بھی کھا سکتے ہیں اور ایسے لوگ جن کو انڈہ پسند ہے تو ان کے لیے یہ نئی اور انوکھی ریسپی ہے جیساکہ تصویر سے بھی آپ اندازہ لگا سکتے ہیں۔ سب سے پہلے اس کے اجزاء کے بارے میں جاننے گے اور پھر طریقہ کار کے بارے میں آپ کو بتاتے ہیں۔

Special cream eggs fry curry, egg curry recipe
اسپیشل انڈا ملائی کڑی 
  

اجزاء

انڈے چار عدد

ٹماٹر ایک پاؤ باریک کٹی ہوئی

سبز مرچ باریک کٹی ہوئی ایک چمچ

کالی مرچ آدھا چائے کا چمچ

لال مرچ پاؤڈر آدھا چائے کا چمچ

نمک حسب ذائقہ

چینی ایک چائے کا چمچ

شہد ایک چمچ

سبز الائچی پاؤڈر آدھا چائے کا چمچ

دہی دو کھانے کے چمچ

گرم مصالحہ ایک چائے کا چمچ

آئل یا گھی فرائی اور پکانے کے لیے

ملائی یا کریم دو کھانے کے چمچ

ہلدی پاؤڈر آدھا چائے کا چمچ

لہسن اور ادرک کا پیسٹ آدھا چائے کا چمچ

ترکیب اور تیاری

اسپیشل انڈا ملائی بنانے کے لیے سب سے پہلے ہم انڈے فرائی کریں گے، فرائی پین میں گھی ڈال کر گرم کریں اور انڈے کو بغیر ہلائے مکمل فرائی کریں اور آئل سے نکال کر رکھ دیں۔

اب ایک برتن میں آئل گرم کریں سب سے پہلے اس میں ادرک لہسن کا پیسٹ ڈال کر تھوڑا سا بھونیں اور اس کے بعد ٹماٹر ڈال کر ڈھکن بند کر دیں، اب چینی اور شہد ڈال کر پکائیں اور تمام مصالحہ جات کے ساتھ ساتھ نمک مرچ بھی شامل کر لیں اور دو منٹ تک پکائیں، سبز مرچ اور دہی مکس کریں اور ایک منٹ پکنے کے بعد فرائی کیے ہوئے انڈے شامل کر لیں اور ہلکی آنچ پر دو منٹ تک پکائیں۔

مزید پڑھیں: کدو کے اسپیشل پکوڑے بنانے کی ترکیب۔

ہماری مزےدار اسپیشل انڈا ملائی کڑی تیار ہو چکی ہے پراٹھے اور روٹی کے ساتھ نہایت ہی عمدہ اور لزیز ڈش ہے۔

 

Post a Comment

Previous Post Next Post